Excelerate Energy ka nënshkruar një kontratë me KESH më 4 Prill 2022, 11 ditë para se të mbaronte emergjenca energjisë, sipas VKM së Tetorit 2022.

20 ditë pas së firmosjes së kontratës Excelerate ka shkuar në Bangladesh dhe ka blerë 2 TECe lundruese, të quajtur Tiger 1 dhe Tiger 3 për 15 milion USD për ti sjellë në Vlorë duke ja dhënë me qira KESH për 2 vjet me pagë ditore prej 63000 USD, dmth 45 milion për 2 vjet.

Këto TECe kanë punuar në Bangladesh për 20 vjet nga viti 2008 deri në vitin 2018 dhe nga viti 2018 deri në vitin 2023 kanë qënë në Bangladesh pa punuar.

Ka 1 vit e gjysëm që ka mbaruar emergjenca energjisë, që kërkonte ndërhyrjen e KESH për të marrë masa dhe TECet lundruese, që gjoja do duhej të ndihmonin duke prodhuar energji, duke djegur naftë të rëndë, mbërritën në Vlorë më 9 Shtator të vitit të kaluar, pra gati 5 muaj pasi emergjenca e energjisë zyrtarisht kish mbaruar.

Ka kaluar 1 vit pas mbërritjes në Vlorë të TECeve dhe këto TECe nuk janë vënë dot në punë.

Tash TECet lundruese janë në Vlorë vetëm të justifikohet pagesa e Excelerate dhe kompanisë së saj partnere Renco rreth 70 milion EUR.

Në fjalë të tjera kjo quhet vjedhje.

Por çështja nuk është vetëm financiare. Nëse këto TECe arrijnë të qëndrojnë në Vlorë dhe më e keqja, të vihen në punë, kjo do krijojë një precedent të rrezikshëm për kompanitë e naftës dhe gazit, duke i dhënë atyre sinjalin që në Shqipëri mund të investosh në këtë sektor, gjë që do ishte skandaloze për vendin tonë si dhe për reputacionin që kemi si një nga pak vendet e botës, të cilat prodhojnë energji 100% nga burime të rinovueshme.