Nuk e japim Vlorën: Peticion për mos-pranimin e TECeve lundrues në gjirin e Vlorës, të cilat pritet të djegin 600,000 KG naftë të rëndë (mazut) në ditë!

Dy TECe lundruese me naftë janë duke u rimorkjuar drejt Vlorës dhe pritet të mbërrijnë në ditët e fillimit të Shtatorit.

Këto 2 TECe do ankorohen tek Porti i Peshkatarëve dhe do djegin aty afro 600,000 kg naftë bruto në ditë, pra do djegin aq naftë sa të furnizohen 100,000 makina në ditë me nga 6 litra e të përshkojnë 10 milion km rrugë.

Kjo djegie masive e naftës bruto do ta bëjë Vlorën dhe Gjirin blozë. Blozë do bëj dhe mushkritè e vlonjatëve.

A DO E JAPIM VLOREN për të marrë ndotjen?

TECet lundruese janë një dëm i madh ekonomik për gjithë vendin.

Shqiptarët do paguajnë afro 100,000 EUR cdo ditë (pa llogaritur koston e naftës) për 2 vjet rrjesht tek kompania që po i sjell keto 2 TECe, prodhim i vitit 1997, që i ka blerë në Bangladesh dhe nuk plotësojnë asnjë standard mjedisor.

Këto para nëse do ti jepeshin 50 mijë familjeve Shqiptare për të instaluar panele diellore do prodhohej afërsisht sasia e energjisë që do prodhoinë këto 2 TECe, por me zero ndotje dhe këto familje do të kishin energjinë e domosdoshme për 30 vjet falas.

Nëse Ilogarisim dhe humbjet nga shkatërrimi i turizmit, peshkimit, bujqësisë etj, dëmi është katastrofik.

A DO E JAPIM VLORËN e të dëmtojmë ekonominë e vendit?

Sapo të futen këto anije fillon epoka e pushtimit të Vlorës nga nafta.

Të dhënat e firmave përditësohen çdo 2-3 orë...

950+ vetë kanë firmosur mbështetjen e tyre për këtë peticion.

Le të mbledhim të paktën 10,000 firma!

Synimi aktual 1000+ firma...

Informohuni në 6 minuta me këtë video të shkurtër të përgatitur nga regjisorja me çmime ndërkombëtare Artes

Kurrë mos dysho se një grup i vogël qytetarësh, me mendim dhe të angazhuar, mund të ndryshojë botën. Në të vërtetë, kjo është e vetmja gjë që ka ndodhur gjithnjë.

Margaret Mead - Antropologjiste (1901-1978)

Informohuni rreth kauzës nëpërmjet videove të mëposhtme nga Mjedisi TV

Informohu duke lexuar këto artikuj për TECet lundrues.

blog image

TECi “pushtues” i Bangladeshit po i afrohet Vlorës – a do e japim Vlorën?

September 03, 20223 min read

Nuk dihet nëse e kupton apo jo z Rama, por ai është duke e dorzuar Vlorën tek korporatat e naftës.

Duket se ka një strategji nga korporatat e naftës për ta kapur Vlorën, si një kafshim i lehtë, për të realizuar një tranzicion të tyre me trendin e pa ndryshuar të fitimive, në situatën e marrveshjeve nderqeveritare globale për të zbutur  krizën më të madhe në planet, atë të ndryshimeve klimatike, krizë për të cilën këto korporata janë shkaktarët kryesorë.

Qeveria po e zbaton këtë strategji të tyre verbërisht dhe kjo ja bën korporatave të naftës ta kapin Vlorën qetësisht.

Hapi i parë i kapjes vjen me anë të TECit të Bangladeshit që, aktualisht po rimorkiohet për tu ngulur në Gji të Vlorës, e për pak ditë do jenë në destinacion.

Hapi i dytë është djegja e fosileve në TEC të Vlorës, Hapi i tretë është ndërtimin i TECeve të tjera, dhe hapi më gjigand është instalimi i terminalit të gazit të lëngshëm, për të furnizu gjithë Ballkanin.

Por të ndalojmë tek hapi i parë, TECi i Bangladeshit.

TECi i Bangladeshit do djeg rreth 600 ton mazut cdo ditë për 2 vjet rresht. Për këtë konsorciumi i naftës Renco-Excelerate do marrë në formë qiraje 63000 $/ditë dhe rreth 30,000 $/ditë për mirëmbajtje të karantinave 25 vjecare (prodhim i vitit 1997). E pas 2 vitesh këto karantina me “bujari” në marrveshje i falen shtetit te varfër shqiptar, por që i varfëri shtet do duhet të shpenzoj miliona për ta domontuar e për ta cuar për Skrap.

Nuk kanë shumë faj vlonjatët se nuk kanë pasur ndonjëherë ndonjë lloj TECi fosil, apo djegje masive nafte, apo edhe përpunim nafte në qytet të tyre e për më tepër tani po i thuhet sa me ëmbëlsi, aq edhe me patetizëm se janë 2 anije ( nuk janë anije, por platforma) që do prodhojnë energji ashtu të ankoruara bukur, bukur, krahas barkave te peshkimit, krahas anijes së udhëtarëve, e sikur kjo energjia do prodhohet me flladin e ardhur nga deti. Në një emission shumë të ndjekur televiziv, pas insisistimit të moderatorit se cfare do digjet tek TECi i Bangladeshit, Kryeministri thjesht gënjeu dhe tha se “do digjet gaz, gaz i lëngshëm”.

Dje në një media thashë se prurja nga Bangladeshi në Vlorë e TECit lundrues mund të jetë paaftësi qeverisëse, por vetëm një ditë mjaftoi për të parë gjurmë korrupsioni edhe në këtë aferë. Zbulohet se kompania italiane Renco paska hisotri të lidhjes me mafian italjane, raste të provuara rrushfeti në Afrikë etj. Aktualisht “DEGA RENCO SPA ALBANIA” bashkë me “ABKONS” shpk në Shqipëri kanë marrë 3 tendera me vlerë 3,9 milionë euro ku përfshihet mirëmbajtja e gazsjellësit TAP, ndërkohë në konflikt të pastër “Abkons” është publikuar nga vet KESH tek bën takim me publikun (fshehurazi) në kuadër të pregatitjes së Vlerësimit të Ndikimit në Mjedis. Dhe shkruhen dhe histori të tjera korrupsioni.

Korporatat e naftës mund ta konsiderojnë Vlorën kafshatë të lehtë, por Vlora është kafshatë që të ngecet në fyt.

Vlonjatët dhe gjithë shqiptarët nuk do e japin Vlorën

blog author image

Lavdosh Ferruni

Back to Blog

Të drejtat e rezervuara Mjedisi.al - 2022

 WE DON'T HAVE MUCH TIME 

EMPOWER A LIFE BEFORE ITS TOO LATE

Mjedisi Supporters

 WE DON'T HAVE MUCH TIME 

EMPOWER A LIFE BEFORE ITS TOO LATE

 If it was your last day on Earth, what would you do?


"Your contribution today could earn you sadaqah jariya reward even after you are buried  6ft under"

ISLAM21C SUPPORTED BY MUSLIM INFLUENTIALS

Why does Islam21c exist? 12 influential Muslims explain

"Islam21c is one of the biggest voices of Muslims in Britain"

Ustaad Adnan Rashid 

To increase the glorification of Allah  (SWT)

Shaykh Sulaiman Ghani 

To broaden the horizons and thinking of our Ummah

Shaykh Asim Khan