Shqipëria ka me ligj 21.3 % zona të mbrojtura.

Një zonë e mbrojtur në të cilën qëllimi është të mbrojë dhe ruajë diversitetin biologjik në planin afatgjatë. Në pjesën tjetër të territorit të vendit ka mjaftueshëm hapsirë për zhvillime ndërtimore të sektorëve të ndryshëm të ekonomisë.

Zonat e mbrojtura sigurojnë një gamë të gjerë përfitimesh sociale, mjedisore dhe ekonomike për njerëzit dhe komunitetet në mbarë botën. Ato janë një përqasje e provuar dhe e testuar, zbatuar prej shekujsh për ruajtjen e natyrës dhe burimeve kulturore që lidhen me të, prej komuniteteve lokale, qeverive dhe organizatave të tjera.

Veç të qënurit instrument për ruajtjen e natyrës, zonat e mbrojtura janë thelbësore për t’ju përgjigjur sfidave të sotme, që përfshijnë sigurimin e ushqimit dhe ujit, shëndetin e njeriut dhe mirëqenien, uljen e rrezikut nga fatkeqësitë natyrore dhe ndryshimet klimatike.